Viktimat e koronavirusit në 30 shtetet e prekura janë kryesisht të sëmurët kronikë, me probleme kardiake, të diabetit apo me tumor.
Mes 2704 viktimave nuk ka asnjë person që nuk ka pasur sëmundje të tilla, përveç mjekut të spitalit të Wuhanit, i cili dha i pari alarmin për virusin.
Lidhur me këtë ka folur dhe Shefja e pavijonit të infektivit në QSUT, Najada Çomo. Po ashtu, ajo ka deklaruar se në Shërbimin Infektiv janë kryer të gjitha trajnimet e nevojshme për koronavirusin. Çomo thotë se edhe fotot që ajo publikoi në rrjetet sociale, që më pas i fshiu ishin pjesë nga trajnimi.
Në foto shiheshin mjekët të cilët ishin veshur me kostume sterile që përdoren në rastet kur ka pacient me koronavirus. Por, publikimi dhe fshirja e fotove krijoi shqetësim tek qytetarët, të cilët aludonin se në Shqipëri po kuroheshin raste me koronavirus.
“Grupmosha e prekur më tepër është grupmosha që ka sëmundshmëri kronike dhe mbi moshën 60-65 vjeçare. Sepse në 100, 98 shërohen dhe 2 përqindëshi është vdekshmërie. Në rastet e referuara nga shëndetësia italiane kanë qenë njerëz që kanë pasur shumë sëmundje kronike. Unë nuk po gjeja dot radhën për të nxjerrë ata që meritojnë t’i nxjerrësh për arsye sepse janë veshur dhe kanë shërbyer. Ato që keni parë juve janë trajnimet që janë bërë dhe natyrisht fotot e atyre që u kanë shërbyer personave të dyshuar. Dhe mos të tremben duke menduar se jemi duke fshehur një rast që është me infeksione koronavirusi.”-ka thënë Çomo./ Opinion.al
