Ashtu sikurse njoftoi të hënën kryetari i Partisë Demokratike Sali Berisha ka ftuar qytetarët që të mblidhen përpara Parlamentit të enjten kur do të mbahet seanca plenare.
Përmes një spoti të publikuar në rrjetet sociale, Berisha paralajmëron protestë ditën e nesërme përpara Parlamentit në orën 10:00, në kohën kur dhe nis punimet Kuvendi.
“Shqipërisë i dalim zot! E enjte, ora 10:00, para parlamentit”, ka shkruar Berisha në Facebook. Postim që e ka shoqëruar me video me një pjesë nga deklarata e tij në protestën e kaluar.
“Parlamenti dëshmoi se janë shumë afër me bandat krimin se sa me tempullin e demokracisë. Prania juaj këtu i detyroi të largohen nga parlamenti. Herën tjetër do të duhet t’u marrin leje”-thotë Berisha.
