Sport

“Spanja humbi me dashje për të shmangur Brazilin”



Bëhu pjesë e Grupit Zyrtar të Opinion.al
>> KËTU <<
               Publikuar në : 16:32 - 02/12/22 |
Opi Nion

Ish-sulmuesi i Real Madrid, Hugo Sanchez, la të kuptohej se Spanja humbi me dashje kundër Japonisë në ndeshjen e fundit në grup në Botëror, për të shmangur përballjen e mundshme me Brazilin në çerekfinalet e turneut.

Hugo Sanchez, i cili ka luajtur 3 herë në Kupën e Botës me Meksikën, citohet nga gazeta spanjolle “AS”: “Ju siguroj. Nuk isha aty dhe nuk jam brenda mendjes së Luis Enriques, por ai ka menduar për mënyrën më të mirë për të shmangur Brazilin. Sigurisht që kishte një rrezik, por ia vlente. Nuk është se ata kanë frikë Brazilin, por e respektojnë”. Më pas, Sanchez shtoi: “Trajneri nuk ka për ta pranuar kurrë. Ata nuk thonë që lanë kundërshtarin të fitojë”.

Hugo Sanchez, ish-sulmues i Real Madrid dhe Meksikës.

Spanja u mund 2-1 nga Japonia dhe e mbylli grupin E në vend të dytë, duke gjetur në 1/8-at Marokun, fitues surprizë i grupit F. Në rast se do të kishte fituar ose barazuar me Japoninë, Spanja, si kryesuese e grupit, do të ishte ndeshur me Kroacinë në fazën e 1/8-ave dhe më pas, me shumë gjasa, me Brazilin në çerekfinale.

Në konferencën për mediat pas ndeshjes, trajneri Luis Enrique zbuloi se nuk e dinte që skuadra e tij kishte rrezikuar eliminimin, për shkak të avantazhin të Kosta Rikës kundër Gjermanisë në ndeshjen tjetër të grupit, që zgjati vetëm 3 minuta.

Pas