SPAK ka kërkuar 12 vjet burg për Hekuran Markun, një nga ish-truprojat e ish-ministrit të Brendshëm, Saimir Tahiri.
I shpallur në kërkim pas operacionit “Shpirti”, Hekuran Marku u arrestua në shtetin gjerman dhe u ekstradua drejt vendit tonë në Prill të këtij viti. Ai akuzohet për trafik ndërkombëtar droge dhe grup kriminal.
Përveç tij, në hetim është edhe truproja tjetër, Agustin (Paul) Deda, i arrestuar në Francë. Deda ka kërkuar azil politik në Francë dhe kërkesa e tij po shqyrtohet nga autoritetet vendase, ndërsa Shqipëria kërkon që të ekstradohet.
Marku dhe Deda akuzohen se gjatë kohës që kanë shërbyer si truproja të ministrit Tahiri, kanë trafikuar rreth 1 ton kanabis drejt Italisë.
