Prokuroria e Posaçme Kundër Korrupsionit dhe Krimit të organizuar, ka lexuar pretencën për dosjen “Sterilizimi”.
Sipas tvklan, SPAK-u kërkoi për ish-zëvendës ministrin, Klodjan Rrjepaj dhe për Ilir Rrapajn, nga 10 viteburgim, të konvertuar në 6 vite e 8 muaj heqje lirie, duke përfituar nga ulja e 1/3 të dënimit.
Për Marsela Serjanajn, u kërkuan 3 vite dhe 6 muaj burgim, por për shkak të gjykimit të shkurtuar, të konvertohet në 2 vite e 4 muaj heqje lirie.
Për Sajmir Kadiun 3 vite dhe 6 muaj, të konvertuar në 2 vite e 4 muaj burgim.
SPAK-u kërkoi që Petref Mersini të dënohet me 3 vite e 6 muaj burgim, të konvertuar në 2 vite e 4 muaj, por kjo gjë u pezullua. Si përfundim, për Mersinin kërkohen 4 vite shërbim prove.
Për Arben Gjatën u kërkua 1 vit 4 muaj burgim, por dhe për të më pas u procedua me kërkesën për të dhënë 3 vite shërbim prove.
Së fundmi, për Genc Byrazerin dhe Naile Ajazin, u kërkuan 2 vite shërbim prove për secilin.
