Struktura e Posaçme Anti-Korrupsion (SPAK) ka depozituar 11 kërkesat e para për konfiskim të pasurive që rrjedhin nga aktivitete kriminale.
Mes pasurive që kërkohen të konfiskohen janë BMW-ja e blinduar e Lulzim Berishës dhe resorti Golden i Hajrave.
SPAK kërkon gjithashtu të konfiskojë edhe pasuri të bashkëpunëtorëve të Hajrave në Shkoder.
Grupi i Hajrajve akuzohen si të përfshirë në rrëmbimin dhe ekzekutimin e Jan Prengës. Këto janë konfiskimet e para pas nisjes së Operacionit Forca e Ligjit në fillim të këtij viti.
Subjektet kanë minimalisht 6 muaj afat që gjatë gjykimit në GJKKO të sjellin prova, fatura, fakte ekspertiza ekonomike për të verifikuar pasurinë. Deri tani asnjë nga këto pasuri që kërkohet sekuestro nuk është justifikuar dot.
Këto pasuri janë të sekuestruara. Konfiskim do të thotë kalim në pronësi të shtetit. /Opinion.al
