Kancelarja gjermane, Angela Merkel, tha se me “kureshtje” dhe “kënaqësi” e pret takimin e sotëm me Presidentin e Shteteve të Bashkuara, Donald Trump, në Uashington.
“Gjithnjë është më mirë të bisedohet me njëri-tjetrin se sa për njëri-tjetrin”, i tha Merkel gazetës, Saarbruecker Zeitung.
E pyetur nëse të dy palët janë kureshtare, kancelarja Merkel tha se “definitisht ka kureshtje, po ashtu edhe kënaqësi për takimin me njëri-tjetrin… së paku nga ana ime”.
Ky takim, i cili ishte planifikuar më 14 mars por u shty për shkak të shkak të motit të keq në Uashington.
Kancelarja Merkel tha se ajo dëshiron të bisedoje me presidentin Trump për çështje të sigurisë, ekonomisë, dhe për të ardhmen e bashkëpunimit ndërkombëtar.
Lidhur me shqetësimet për luftë tregtare ndërmjet Shteteve të Bashkuara dhe Gjermanisë, Angela Merkel theksoi se “vendet tona përfitojnë kur punojnë mirë së bashku dhe në mënyrë korrekte”.
