Një grup deputetësh të Partisë Demokratike ndodhen në Strasburg, ku do të organizojnë sot një protestë para Parlamentit Evropian.
Një ditë para protestës, deputetët Gazment Bardhi, Flamur Noka, Jorida Tabaku, Agron Gjekmarkaj dhe Albana Vokshi janë takuar me një grup eurodeputetësh, përfaqësues të grupit parlamentar “Renew Europe”.
Në një postim të tij, Bardhi shprehet i kanë informuar mbi situatën në Shqipëri, që sipas tij, edhe pse vend kandidat për në BE, ka ekzekutuar shtetin ligjor, ka asgjësuar balancën mes pushteteve, dhe ka eliminuar zgjedhjet e lira. Bardhi akuzoi kryeministrin Rama se kërkon të asgjësojë opozitën.
Klan News
