Kreu i PD zyrtare, Lulzim Basha ka dalë në një prononcim për gazetarët pasi u përjashtua nga seanca e sotme plenare nga kryeparlamentarja Lindita Nikolla.
Para gazetarëve, Basha tha se “kishte marrëveshje mes palëve që PD-së të mos i jepej koha e duhur”.
Basha theksoi se në Kuvend “pati një pretendim se ishte fundi i një merkato”, por shtoi se “në fakt fillon merkato”.
“Ky Parlamenti siç është katandisur prej kohësh kishte mundësinë për të detyruar transparencën dhe njëra prej tyre ishin Komisionet Hetimore por duke përfituar nga revolucioni pa kokë i revolucionarëve Rama ndryshoi ligjin për Komisionet Hetimore.
Dy nga 8 komisionet që kërkuan do të jenë në kushtet e një ligji që ofron shumë më pak transparencë.
Kishte marrëveshje mes palëve që PD-së të mos i jepej koha e duhur për t’iu përgjigjur pretendimeve të gënjeshtra që u lëshuan.
Pati një pretendim se ishte fundi i një merkato, por sot në fakt fillon merkato, Ishte fundi i një përpjekje transparente para shqiptarëve për t’i dhënë shqiptarëve ata që duan ata, jo ato që duan protagonistët e këtij pazari”,-tha Basha.
