Ditën e sotme do të zhvillohet seancë plenare në parlamentin shqiptar.
Seanca parashikohet me rend dite të ngjeshur, me të paktën 16 pika.
Pritet të diskutohen edhe ndryshimet në Kodin Zgjedhor, për shkak të votës së Diasporës dhe veçanërisht posta e dërgimit të zarfit të votës.
Diskutime pritet të krijojë edhe dërgimi i mocionit të opozitës për mandatin e deputetit socialist Vullnet Sinaj në Gjykatën Kushtetuese si edhe kërkesa për ngritjen e komisionit hetimor për portin e Durrësit.
Gjithashtu do ketë një votim sa i përket ndryshimeve në buxhetin 2024.
