Në konferencën përjavshme me gazetarët, ish-kryeministri Sali Berisha është ndalur sërish te afera e inceneratorëve.
Berisha u ka kërkuar mediave të ndjekin mbledhjet e Këshillit Bashkiak në mënyrë që, sipas tij, kyetarët e bashkive të mos iu vjedhin para qytetarëve.
“Të mos lejojnë mbajtjen e mbledhjeve të asnjë këshilli bashkiakë me dyer të mbyllura, kryetarët mafiozë të zgjedhur me vota të vjedhura duan të fshehin para qytetarëve krimet e tyre të vazhdueshme. U bëj thirrje mediave të përcjellin çdo mbledhje të këshillit bashkiak, u bëj thirrje qytetarëve të dalin në protesta në të gjitha format. Një këshill bashkiak është parlamenti lokal i atij qyteti, i asaj bashkie dhe duhet të ketë veprimtari transparente para qytetarëve të tij”-tha Berisha.
Berisha hodhi akuza ndaj Veliajt, për të cilin tha se sot do të kalojë vendimin për t’i dhënë 6 mln euro të tjera kompanisë së tij për “djegësin”.
“Sot kalon vendimin për 600 mln lekë të tjera në kompaninë e tij me pronarë në letra Zoto dhe Mërtiri. 6 mln euro! Erion Veliaj çdo ditë që kalon është një akt-akuzë e rëndë për Skapin e partisë. Qytetarët duhet ta dinë se këto 6 mln euro, 430 mln lekë i ka marrë nga arsimi i fëmijëve, në buxhet i ka hequr. 130 mln lekë ka hequr nga Fondi i Emergjencës, këto pret kur skapistët marrin përsipër krimin e shëmtuar të amnistimit të tij. I çon te sipërmarrja e djegësit të tij”-tha Berisha.
Më tëj ish-kryeministri theksoi:
“Edhe njëherë uy bëj thirrje qytetarëvë, të përgatitemi për ta kapë për zverku dhe dërguar te dera e burgut, sepse nëse presim skapin, ju garantoj se ai do të bëhet dhe kryeministër i Shqipërisë në mendjen e tij. Veliaj është mafiozi që vendosi të heqë dorë nga praktika e mëparshme e trajtimit të plehrave dhe të kalojë në djegie, është falsifikatori monstruoz.”
