Vetëm pak ditë pasi kishte festuar 22 vjetorin këngëtari Ergi Dini ka humbur jetën në një aksident me motorë, teksa udhëtonte me mikun e tij, Klajdi Halili.
Sot në ditën e lindjes dhe thuajse një vit pas tragjedisë, motra këngëtarit, Barbana Dini përmes fjalëve të ndjera e kujton të vëllanë. Mbi varrin e tij ajo ka çuar një shportë me lule, ndërsa dhimbja duket se ka mbetur e njejtë edhe një vit më pas. Barbana me disa fjale prekëse i uron 23-vjetorin vellait te saj.
“Vëlla, fjalë që nuk do ta them më kurrë por që do ta kem përjetësisht të gdhendur në zemër! Ky ishte urimi që të bëra si sot, një vit më parë, në ditën tënde të lindjes! Sot do të mbushje 23 vjec…ti nuk e ke idenë sesa pa kuptim është kjo jetë pa ty ERGI!”, shkruan Barbana Dini në postimin e saj.
