Ditën e sotme në Tirane është zhvilluar maratona e qytetit. Shumë nga personazhet e njohur kanë marrë pjesë, mes të cilëve ka qenë edhe ish-kapiteni i Kombëtares sonë të Futbollit, Lorik Cana, i cili garonte në të njëjtën kategori me kryebashkiakun e Tiranës Erion Veliaj, atë të 10 kilometrave. Por ajo që ra në sy në përfundim të garës ishte rezultati i Lorikut, i cili ndonëse ruan ende një formë të mirë sportive, ka mbetur pas Veliajt.
Kështu Erion Veliaj ka arritur të kaloje Lorik Canën në këtë garë pasi ka mbërritur 1 minutë e 47 sekonda më shpejt në fund të pistës së vrapimit.
Lorik Cana e përfundoi garën e tij me kohën 1. 00.52.066, ndërsa kryebashkiaku Veliaj 1 minutë e 47 sekonda më shpejt, duke arritur kohën 0. 59.05.186.
Ndoshta Loriku nuk ka dashur te sforcohet gjate kesaj gare dhe ka toleruar, apo ndoshta stervitjet e pasdites dhe vrapimi tek liqeni i kane bere mire kryebashkiakut.
Në Maratonën e Tiranës morën pjesë edhe anëtarë të trupit diplomatik të akredituar në Tiranë. Kështu, ambasadori japonez, Makoto Ito garoi në kategorinë e 10 kilometrave duke u renditur 164 me 54 minuta e 57 sekonda. Ndërsa ambasadori austriak Johan Sattler u tregua më i guximshëm pasi garoi në kategorinë profesioniste prej 21 km, ku u rendit i 150 me 1 orë e 56 minuta.
Spikati edhe pjesemarrja e atletes profesioniste Luzia Gega. /Opinion.al
