Dardha mbetet destinacioni më i preferuar i turizmit të bardhë në juglindje.
Fundjavat e gjejnë fshatin turistik të tejmbushur me vizitorë nga zona të ndryshme të vendit.
“Kemi ardhur për të bërë ski. Vijmë çdo vit.”
“Po vijmë në Dardhë çdo vit për ski, për dëborën.”
Peizazhi malor dhe bora, tërheqin si vizitorët besnikë të Dardhës, por edhe ata që vijnë për herë të parë.
“Nga Polonia, jetojmë në Vlorë. Dardha mirë fare. Na pëlqen shumë.”
Skipista e Bigllës është një tjetër atraksion sidomos për të pasionuarit e sportit të skive.
Në Dardhë nuk mungojnë as turistët e huaj, numri i të cilëve mbetet i lartë edhe gjatë muajve të dimrit.
Pas festave të fundvitit, Korça dhe destinacionet malore të juglindjes vijojnë të presin fluks në rritje vizitorësh,të përqëndruar kryesisht gjatë fundjavave.
“Duke përfituar edhe nga festat, festa e Krishtlindjes dhe Viti i Ri kemi pasur një fluks të jashtëzakonshëm të turistëve. Kryesisht janë turist vendas që vijnë nga Tirana edhe qytete të tjera, pro jo vetëm. Ndërkohë edhe muaji Janar patjetër që ka numër vizitorësh, krysisht në periudhën e fundjavave.”
Veç turizmit, Dardha shfrytëzohet edhe për organizimin e aktiviteteve të sporteve dimërore./tvklan
