Autoritetet në Gjermaninë Veriore u kanë bërë thirrje mijëra njerëzve që të marrin një tjetër vaksinë kundër Covid pasi një hetim policor zbuloi se një infermiere e Kryqit të Kuq mund t’iu ketë injektuar ujë të kripur në vend të vaksinës kundër Covid-19.
Ngjarja ka ndodhur në një qendër vaksinimi në Friesland – një zonë rurale pranë bregut të Detit të Veriut – në pranverën e hershme.
“Unë jam plotësisht i tronditur nga ky episod,” tha Sven Ambrosy, një këshilltar lokal, në Facebook ndërsa autoritetet lokale lëshuan thirrjen të martën për rreth 8,600 banorë që mund të jenë prekur.
Injektimi i ujit të kripur është i padëmshëm, por shumica e njerëzve që u vaksinuan në Gjermani në Mars dhe Prill në këtë qendër janë të moshuar dhe me rrezik të lartë për tu infektuar me Covid-19.
Hetuesi i policisë Peter Beer, duke folur më herët në një konferencë shtypi të mbuluar nga mediat gjermane, tha se motivi i infermieres, nuk ishte i qartë, por ajo kishte transmetuar pikëpamje skeptike në lidhje me vaksinat në postimet në mediat sociale.
Tashmë të gjithë ata që rezultojnë të vaksinuar në këtë qendër duhet të marrin një dozë tjetër vaksine./Opinion.al
