Ndeshja ndaj Partizanit konsiderohet mjaft e rëndësishme për Skëndërbeun, prandaj ekipi korçar ka nevojë për sa më shumë mbështetje nga tifozët në “Elbasan Arena”. Pasi ka kundërshtuar çmimet e biletave të vendosura nga të kuqtë si skuadër pritëse, drejtuesit e klubit juglindor kanë vendosur që të paguajnë një pjesë të çmimit të biletavë për tifozët e tyre. Në një njoftim zyrtar, Skëndërbeu lajmëron tifozët që do udhëtojnë drejt Elbasanit se mund ta blejnë biletën me 300 lekë dhe jo me 500 lekë, çmimi që ishte vendosur nga Partizani. Pjesa e mbetur e çmimit do të mbulohet nga klubi.
Klubi i futbollit “Skënderbeu” dëshiron të njoftojë të gjithë tifozët që do të udhëtojnë drejt Elbasanit se biletën e ndeshjes mund ta blejnë për çmimin 300 lekë dhe jo 500 lekë. Duke ndjekur me vëmëndje zhvillimet e fundit presidenti Ardjan Takaj vendosi që pjesa tjetër e çmimit, pra 200 lekë të paguhet dhe sponsorizohet nga klubi. Biletat mund ti blini në Korçë pranë pikës së shitjes përballë me kinemanë Majestik Imperial. Në Tiranë, tek Pallati i Sportit “Asllan Rusi” ndërsa në Elbasan tek pika e shitjes pranë stadiumit “Elbasan Arena”. Ndërsa në Tiranë, biletat mund të blihen tek Pallati i Sportit “Asllan Rusi” dhe në Elbasan tek pika e shitjes të stadiumit. Ndeshja luhet të dielen në orën 17:00 në Elbasan Arena.
