1. Rama dorëhiqet , krijohet qeveri kujdestare dhe zgjedhjet e parakohshme.
Taulant Balla: Ky nuk është fare aspak një opsion, nuk ka ekzistuar asnjëherë. Kemi marrë një mandat për të qeverisur vendin, kemi nisur ca reforma që çdo lloj ndërprerje e tyre çon disa vite pas. Qeveria është legjitime se vjen nga një parlament legjitim. Sot Shqipëria nuk ka krizë, na vjen keq për PD dhe LSI por parlamenti funksionon. Mua më duket më interesant Kujtim Gjuzi se sa Sali Berisha. Thirrje, sharje me libër shpie për familjarët nuk ka.
Berat Buzhala: Ka fakte të mjaftueshme që vota është blerë. Nuk ka pasur kushte të barabarta gjatë votimit. Shqipëria dhe pse kishte kushte në fushë në lojë, e lëshoi lojën. Fusha ishte në dispozicion të lojtarëve, por nuk ishte gjendja për të luajtur. Opozita në Kosovë, ka hedhur gaz lotsjellës, ka sulmu Kuvendin. Këtu ka prova dhe sulmohet opozita se pa prishur imazhin Shqipërisë. Opsioni numër një, mund të bëhet për një qeveri pa Ramën për 6 muaj dhe zgjedhje të parakohshme. Rama duhet të kuptonte A e alfabetit politik, zgjedhjet e lira.
Mustafa Nano: E shikoj të pamundur, sepse ne kemi një krizë kemi një përplasje të fortë mes palëve. Unë në asnjë krizë, në asnjë manual nuk kam parë që të zgjidhet duke pranuar kushtet e njërës palë. Në këtë kuptim, në tentativë për të kërkuar zgjidhje ne nuk duhet të rreshtohemi në pozicionet ekstreme. Kjo nuk është e precedentë njëherë, futemi në një rreth vicioz.
Armand Shkullaku: Do ishte mirë që Rama të mos tërhiqej. Kriza të thellohej dhe e keqja të dalë sa më shumë në sipërfaqe. Sa më shumë të thellohet kjo gjë aq më mirë do jetë për qytetarët. Një qeveri nuk gjykohet nga cilësoi a e opozitës, por nga bilanci i opozitës. Për skandalin e Unazës, për Tahirin, për rastrin Babale për tenderët sekretë duhet të jepte dorëheqje. Ka gënjyer shqiptarët se do hap negociatat. Duhet të jepte dorëheqjen se deklaroi 5 për qind të GDP-së për arsimin.
Iris Luarasi: E shikoj të pamundur. Mungesa e demokracisë fillon që nga momenti i djegies së mandateve. Ndërkombëtarët që përpara fillimit, që kur u diskutua djegia e mandateve ke deklarata telefonata presione pa fund. Vazhdon historia për zgjedhjet e 30 qershorit, thirrje të jashtë zakonshme. Po të mos kishte mbështetjen e ndërkombëtarëve Rama do kishte dhënë dorëhqjen. Opozita nuk i dëgjon ndërkombëtarët, Rama nuk ka asnjë sinjal nga ata.
Fitim Zekthi: Nuk ka rrugë tjetër. Edhe ndërkombëtarët kur ndryshon realiteti në terren, ata ndryshojnë. Opozita sot është dominuese, sado të bësh propagandë kur ke skandale, korrupsion varfëri nuk shkon dot më tej. / Opinion.al
