Gjykata e Fierit ka lënë në fuqi masën e sigurisë marrë dy ditë më parë për 7 zyrtarë të doganave, te arrestuar pasi dyshohet se janë përfshirë në skandalin e naftës “Virgin”. Në burg, deri në përfundim të hetimeve, do te qendroje ish-numri dy i doganave Lula Njebza. Sipas prokurorisë ajo ka qënë në dijeni të mashtrimit që bëhej me naftën virxhin nga biznesmeni Adrian Xhillari, i shpallur në kërkim dhe ka patur te pakten 32 komunikime telefonike me te.
Në burg kanë mbetur Mirëarbër Teneqexhiu ish-kryetar i doganës së Tiranës, Alfred Bushi ish-shef i akcizës,Adrian Alikaj dhe Syrja Misiraj të dy doganier akcize. Ndërsa Ortenca Zorba dhe Elona Jareci edhe këto doganiere janë lënë në arrest shtëpie.
Për prokurorinë e Fierit ata kanë kryer vepren penale të kontrabandës të mallrave që paguhen me akcizë.
Sipas hetimeve, Komapnia Tea Oli e Adrian Xhillarit ka shitur 4.4 milione litra nafte te paperpunuar dhe vetem nga akciza i ka shkaktuar shtetit nje dem prej 2 milione euroesh.
Ndërsa dëmi në mjedis dhe ai ndaj automjeteve që kanë përdorur këtë mall te tregtuar ne disa pika karburanti te Tea Oil qe zoteron edhe karburantet Alpet, është i pallogaritshëm.
