Pas skandalit të publikimit të të dhënave personale të 680 mijë qytetarëve shqiptarë, prokuroria ka vendosur të sekuestroi serverat e AKSHI-t.
Sipas “News24”, prokuroria ka vendosur sekuestro mbi serverat e AKSHI-t.
Mësohet se sekuestro është vendosur edhe mbi serverat e Institutit të Sigurimeve e të drejtorisë së Tatimeve. Bëhet me dije se kjo masë është marrë për arsye që mos të ndërhyhet më në servera.
Prokuroria e Rrethit Gjyqësor Tiranë, është duke kryer veprimet hetimore për veprat penale shpërdorim detyre, lidhur me skandalin e publikimit e të dhënave personale të më shumë se 680 mijë shqiptarëve.
Në listën që po qarkullon në rrjetin social “WhatsApp” janë të dhënat mbi vendet e punës, pagat e janarit 2021 dhe ID. Ndërsa ditën e sotme është publikuar një tjetër listë, e cila është e muajit prill.
Sot erdhi edhe një reagim i kryeministrit Rama i cili hodhi dyshime se listat janë nxjerr nga persona të infiltruar nga brenda, duke hedhur poshtë çdo mundësi të një sulmi kibernetik.
Rama la të nënkuptohej se kjo mund të ishte një lëvizje që kishte për qëllim nxitjen e destabilitetit./Opinion.al
