Shitja e provimeve me para është një rast që ndodh rëndom edhe pse një ditë më parë, prokuroria e Shkodrës njoftoi një sërë arrestimesh, pedagogë, sekserë dhe studentë, që kryejnë të tilla veprime.
Duket se e tillë skemë, po sofistikohet çdo ditë e më tepër.
Kamera e fshehtë e emisionit “Stop”, tregon rastin sesi pedagogia e Shkencave, Dorina Mino, e cila jep lëndën e Sistemeve Operative, pranë universitetit “Ismail Qemali” të Vlorës, i jep provimet studentëve të saj kundrejt një pagese prej 15 mijë lekësh të reja për çdo të tillë. Rasti është shënuar në fakultetin e Shkencave Teknike.
Takimi me pedagoge Dorinën
Studentja – Presore, erdhi gjë presore Dorina?
Përgjigjet pedagogia kalimtare– Po aty është.
Studentja– Presore përshëndetje! Erdha drejt, më morën në telefon nga shpia, më duhej të largohesha. Tani me X, (sekserja) nuk është se kam pasur shumë mundësi të flas, se më ndodhi një aksident i vogël në shtëpi. Më kanë humbur disa gjëra dhe telefonin s’e kam për momentin.Tani për pagesën, për një lëndë?
Pedagogia – Fol me X….
Studentja – Ëëë.. Presore, më duhet të iki tani prandaj po, erdha tek juve. Sic ju thashë më mori. Isha me dajën tani dhe kam pak mamin në spital presore dhe nuk jam mirë. Tani për pagesën është sa ishte në kurs apo…?
Pedagogia – Sa ishte në kurs, sa e kanë pasur të tjerët.
Studentja – Me 120 (mijë lekë të vjetra) apo..
Pedagogia – E mi aq sa të tjerët edhe ti, sa shoqet.
Studentja – Ok! Atëherë, unë kam dy lëndë. A t’jua jap lekët që tani sepse..
Pedagogia – Jo nuk do m’i japësh mua, do t’ia japësh asaj.(sekseres)
Studentja – Ok!
Pedagogia– Ik, tani ta mbyll edhe unë këtë.
Studentja – Ok! Duhet t’i jap Ermelindës 240 (mijë lekë të vjetra).
Pedagogia – Po.
Studentja – Ok në rregull! Faleminderit!
Sekserja ….
