TIRANE- Qendra Spitalore Universitare Nënë Tereza ka pezulluar sot të gjitha operacionet e planifikuara. Shkak për këtë është bërë mungesa e furnizimit me ujë. Mjekët thonë se prej mbrëmjes së të dielës kanë mundur të kryejnë ndërhyrje vetëm për pacientët në situatë të rënduar.
Burime zyrtare të UKT bëjnë të ditur se ndërprejra e furnizimit me ujë është bërë pëe shkak të daljes nga funksioni të impiantit të Bovillës. Dhe kjo avari nuk ka kursyer as qendrën më të madhe spitalore në vend.
Nga ana tjetër Ministria e Shëndetësisë bën të ditur se prej 24 orësh QSUT po furnizohet vetëm me autobote. Sipas saj deri në rikthimin e ujit në cezma nuk do të kryhen operacionet e planifikuara, por vetëm rastet emergjente.
Pyetja që lind natyrshëm është: A duhet të ketë QSUT një linjë rezervë për furnizim me ujë në çdo rast?
/TvKlan/
