Një e vërtetë e frikshme ka dalë nga disa vizatime të një vajze minorene në Itali. Mësohet se në vitin 2015, e mitura nga Shqipëria është ngacmuar seksualisht nga gjyshi i saj në Vlorë. Prindërit e vogëlushes kanë bërë denoncimin duke akuzuar gjyshin për ngacmim seksual. Mësohet se 63-vjeçari nga Vlora është arrestuar pasi vajza i është nënshtruar edhe një testi psikologjik, ku ka pranuar se gjyshi e kishte prekur në pjesët intime.
Djali i 63-vjeçarit pretendon që i ati ka kryer veprime të turpshme me të bijën dy vite më parë, në 2015-ën, kur ata kishin ardhur me pushime.
Ai thotë se e kanë kuptuar nga disa vizatime të vajzës së mitur në Itali, që pasi i është nënshtruar testit psikologjik ka pranuar që gjyshi e prekte në vende intime.
Nga ana tjetër, Xhemal Picari, gjyshi i vajzës, që jeton në një shtëpi private në Vorë i mohon akuzat dhe pretendon se djali i tij dhe nusja kanë inskenuar gjithçka për t’i marrë shtëpinë.
“Mund të ketë rastisur që kam qënë lakuriq në shtëpi, por kurrsesi s’kam prekur mbesën. Djali dhe nusja kanë qëllim të më marrin shtëpinë”,- thotë ai.
