Autostrada Tiranë-Durrës është në gjendjen e saj më të keqe. Sidomos në aksin Maminas-Sukth janë hapur gropa të mëdha në rrugë, pas reshjeve të fundit, duke rrezikuar seriozisht jetën e drejtuesve të mjeteve dhe pasagjereve. Problematika e ngritur prej ditësh në media ka bërë që firma kontraktore të mbushë ndonjë gropë, e cila hapet sërish brenda pak ditësh.
Institucioni përgjegjës, Autoriteti Rrugor Shqiptar bëri thirrje mbrëmjen e djeshme (e diel) që drejtuesit e mjeteve të ulin shpejtësinë. Ky autoritet mjaftohet me këshilla, dhe nuk jep asnjë informacion se kur do të nisë rikonstruksioni i këtij aksi që është kthyer në burim aksidentesh.
Sipas ekspertëve, “arnimi” nuk është një zgjidhje përfundimtare e këtij problemit. Reshjet e shiut, por edhe mjetet e tonazhit të rëndë, me kalimin e kohës hapin sërish gropat. /Opinion.al
Kronika e TCH para nje jave per kete aks
