Kryeministrja e Italisë, Giorgia Meloni mbërriti në Tiranë në kuadër të Samitit të Komunitetit Politik Europian, e miërpritur nga kryeministri Edi Rama në një takim të ngrohtë.
Në një deklaratë për media para nisjes së punimeve të samitit, Meloni është pyetur në lidhje me kampin e Gjadrit, nëse e ka vizituar ditën e sotme.
Ajo theksoi se nuk ka mundur të shkojë, por konfirmoi se puna në është duke vazhduar.
“Nuk kam pasur kohë. Jo nuk kam kohë, por puna po vazhdon dhe kjo tregon edhe shpejtësinë e funksionimit, duke dëshmuar që siç kemi premtuar jemi në rrugën e duhur”, tha Meloni.
Më tej, Meloni është shprehur se duhet të këmbëngulim për një armëpushim të pakushtëzuar në Ukrainë.
“Nuk do të kërkojmë alternativa, por duhet të këmbëngulim për një armëpushim të pakushtëzuar, për një marrëveshje serioze paqeje që të ketë garanci sigurie për Ukrainën. Po vazhdojmë të punojmë edhe për këtë objektiv”, përfundoi ajo.
