Prokuroria e Posaçme ka reaguar pas qarkullimit të lajmit në disa media për një tjetër operacion në Bashkinë e Tiranës.
Sipas lajmeve që po qarkullonin thuhej se operacioni po kryhej gjatë natës dhe se janë lëshuar 19 masa sigurie për disa funksionar në këtë institucion.
Ndërsa në një njoftim për mediat, SPAK ka deklaruar se nuk ka pasur asnjë operacion gjatë natës, duke kërkuar që të shmangen spekulimet.
“Më lejoni t’ju informoj lidhur me lajmet e publikuara dje në disa nga mediat:
SPAK po vijon një sërë hetimesh për të luftuar korrupsionin dhe mbrojtjen e publikut. Nuk ka pasur asnjë operacion brenda natës dhe ju kërkojmë me mirësjellje të shmangin spekulimet që mund të dëmtojnë punën tonë.
Në momentin që do të kemi njoftime për të ndarë me median padyshim do të viheni në dijeni”, bën me dije SPAK.
