Konferenca e Kryetarëve nuk pranoi kërkesën e Partisë Demokratike për ngritje të Komisionit Hetimor për privatimizmin e kompanisë CEZ. Privatizim ky i bërë nga ministri aktual i Energjisë, Damian Gjiknuri.
Mazhoranca kërkoi kohë deri të enjten, por për opozitën ky është vazhdim i praktikave të vjetra, për t’i mohuar asaj një të drejtë legjitime.
Pak ditë më parë opozita depozitoi në Kuvend kërkesën për ngritje të komisionit hetimor për atë, që e cilëson si afera CEZ. Demokratët pretendojnë se se janë të paktën 500 milionë euro detyrime të njohura e të pranuara, që kompania kishte ndaj shtetit.
