Ministri i Mbrojtjes Niko Peleshi ka raportuar lidhur me situatën e krijuar në vend nga reshjet e dendura të shiut gjatë orëve të fundit.
“Jemi në monitorim të situatës dhe në gatishmëi për sa u përket Forcave të Armatosura në mbështetjeje të emergjencave civile, të evakuimit apo me mjete nëse do të jetë nevoja. Në çdo prefekturë është mbledhur komiteti i emergjencave civile. Deri tani nuk kemi situata serioze”, tha ministri.
Sipas Peleshit, deri tani kemi informacion në qarqet Lezhë, Shkodër dhe Kukës, ku situata paraqitet si më poshtë:
-Torovicë rreth 50 ha të përmbytura.
-Në fushën e nën Shkodrës ka ujë në sipërfaqe.
-Kuotat e lumenjeve janë ende larg kuotave maksimale. Drini e ka 4.8 nga 7.5 që ka kuotën maksimale, Buna është në nivelin 6.5 nga 8.2 që është pika kritike.
-Bashkia Pukë ka disa njësi ku janë raportuar shembje skarpatesh.
-Në Fushë-Arrëz, raportohen dëmtime të rrugëve rurale dhe shkëputje te energjisë elektrike.
– Lumi Gjadër ka dëmtuar infastrukturën në Vaun e Dejës.
