Lajme të mira nga Ministria e Shëndetësisë lidhur me situatën e koronavirusit në vend. Vetëm katër raste të reja dhe gjendje e qëndrueshme prej ditësh në spitalet Covid, ku më pak se 15% e te prekurve aktivë po marrin trajtim në spitalet Covid, ndërsa pjesa tjetër ndiqet nga mjeku i familjes.
Konkretisht, në të gjithë vendin aktualisht janë 163 persona aktivë me koronavirus, nga të cilët aktualisht në dy spitalet janë të shtruar 24 pacientë dhe vetëm 1 prej tyre ndodhet në terapi intensive.
Kjo shënon një ulje krahasuar me një ditë më parë, kur kishim 28 të shtruar, prej të cilëve tre persona në terapi intensive.
Ministria sqaron më tej, se deri më sot janë konfirmuar pozitivë me COVID-19 në të gjithë vendin 876 qytetarë, nga të cilët 682 ose rreth 78% e të gjithë të prekurve janë shëruar./Opinion.al
