Qendra Kombëtare Operacionale e Emergjencave Civile në AKMC jep të dhënat deri në orën 12:00, datë 23.06.2025, ku janë raportuar 7 vatra zjarri. Nga këto janë shuar 5 vatra zjarri dhe janë aktive 2 të tjera.
Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:
- Në lagjen “Mulliri i Artë”, bashkia Delvinë.
- Në fshatin Alarup, njësia administrative Çërravë, bashkia Pogradec.
- Në në rrugën e Elbasanit, njësia administrative Nr. 2, bashkia Tiranë.
- Në fshatin Rilë, njësia administrative Shënkoll, bashkia Lezhë.
- Në fshatin Malaj, njësia administrative Rrëshen, bashkia Mirditë.
Aktualisht, janë aktive vatrat në:
Qarku Vlorë
- Në fshatin Llaman, bashkia Himarë, vatra e zjarrit është ende aktive, janë duke operuar: 3 automjete zjarrfikëse me 12 efektivë të MZSH Himarë, 40 efektivë FA nga DRM Gjirokastër me 4 automjete transporti dhe 1 helikopter i FA.
Në mbështetje nga bashkia Himarë në terren janë edhe 30 forca nga Shërbimi Pyjor, nga Ndërmarrja e Shërbimeve Publike Himarë, nga njësitë administrative Himarë, Horë – Vranisht dhe Lukovë.
Qarku Kukës.
- Në fshatin Kolsh, njësia administrative Mamëz, bashkia Kukës, po punohet për fikjen e zjarrit të rënë në vendgrumbullimin e mbetjeve urbane, situata drejt përmirësimit.
