Qeveria Britanike ka vendosur që të gjitha shkollat fillore në Londër të qëndrojnë të mbyllura deri më 18 Janar për shkak të numrave shqetësues në përhapjen e Covid-19 në kryeqytet. Por vendimi i Ministrisë së Arsimit për të mbajtur të mbyllura vetëm shkollat në zonat më të rrezikuara të vendit, nuk është i mjaftueshëm sipas unionit kryesor të mësuesve britanikë.
Unioni Kombëtar i Arsimit (Neu), i mbledhur në urgjencë këtë mëngjes, po bën thirrje për mbylljen e të gjitha shkollave në Angli.
Mary Bousted, sekretare e NEU, tha se qeveria duhet të mbyllë të gjitha shkollat në Angli, ashtu sikurse është bërë në Skoci, Uells dhe Irlandën e Veriut, para se infektimet të dalin jashtë kontrollit. “Nëse kushtet përkeqësohen do të duhet të mbyllen edhe më gjatë”, u shpreh ajo./Opinion.al
