Rudina Hajdari kërkoi të ndryshohej sistemi zgjedhor, duke qenë në favor të një sistemi me lista të hapura për një përfaqësim më të drejtë të qytetarëve.
Kryeministri Rama i është përgjigjur duke thënë se me sistemin e vjetër, në Parlament ishin vetëm 2-3 gra, ndërsa tani Parlamenti ka përfaqësimin më të madh të grave në histori. Kryeministri tha se debati për sistemin zgjedhor nuk do të shterojë kurrë, duke mbrojtur sistemin aktual.
“Me sistemin që kemi zgjedhur, pavarësisht si është dëshiruar të interpretohet dhe komentohet lart e poshtë nga të interesuarit për të justifikuar humbjet e tyre, apo axhendat e tyre mediatike, kemi sot një Parlament që s’do ta kishim kurrë me sistemin e kaluar. Mjafton të shikojmë numrin e grave në Parlament dhe megjithë respektin për sa tha parafolësja (Rudina Hajdari) me të drejtë për disa avantazhe të një sistemi që kalon drejtpërdrejtë nga zgjedhja mazhoritare, mos harrojmë se nuk ishte 80 dhjetë përpara, ishte vetëm 10-15 vjet përpara kur Parlamenti kishte 2-3 gra. Është fakt që me këtë sistem ne kemi krijuar kushte për të pasur një zgjedhje shumë më përfaqësuese të shoqërisë dhe jo thjesht për t’u lidhur pas individësh që mund të marrin mandatin, por që nuk garantojnë kurrsesi, të paktën në këtë fazë zhvillimi, një përfaqësim të larmishëm dhe shumë më pranë ngjyrave të vetë shoqërisë. Ky është fakt”, tha Rama./Opinion.al
Lexo edhe: Hajdari: Opozita jemi ne, ata që lanë mandatet janë qytetarë të lirë
Lexo edhe: Rama i drejtohet deputetëve të rinj: Jeni njësoj si ata jashtë!
