Kur na ndajnë pak më shumë se 24 orë nga ndeshja e shumë pritur midis Italisë dhe Kombëtares shqiptare, trajneri Silvinjo dhe kapiteni Berat Gjimshiti kanë folur për gazetarët në konferencë për mediat.
Berat Gjimshiti është pyetur nga gazetarët për ndeshjen e parë që Kombëtarja do të zhvillojë në këtë Europian. Ai u shpreh se skuadrën italiane e njohin mirë dhe kjo është një armë e fortë që ata e zotojnë.
“Sigurisht që të tre ndeshjet janë të rëndësishme dhe nisja me këmbën e mbarë mund të jetë një ndihmë shtesë dhe sigurisht mund të ndikojë në renditjen e grupit. Unë e njoh mirë Skamakën, kam një vit që luaj me atë, pas fitores së Ligës së Evropës nuk kam komunikuar. Nuk ka rëndësi unë apo Skamaka, por Italia dhe Shqipëria, pra ekipet. Italinë e kemi ndjekur dhe trajneri na ka treguar se ku është forca e tyre dhe duhet të jemi gati sigurisht”.
Pyetjes së gazetarëve italianë për numrin e shumtë të lojtarëve shqiptarë që luajë në Itali, kapiteni ynë iu përgjigj:
“Ne kemi një eksperiencë të madhe italiane, shumë lojtarë kanë luajtur në Itali dhe shumë prej nesh vijojnë karrierën aty. Gjithashtu dhe trajneri ynë e njeh mirë Italinë. Na ndihmon njohja e skuadrës italiane, dhe mund të jetë një armë e fortë për ne. Ne do të jemi shu7më të motivuar nesër dhe për këtë jemi përgatitur shumë”, u shpreh Gjimshiti.
