39 vite më parë në Untergrupenbach të Gjermanisë janë vrarë nga sigurimi shtetëror i Jugosllavisë komuniste dy vëllezërit Jusuf e Bardhosh Gërvalla dhe Kadri Zeka, të tre pjesë e Lëvizjes Kombëtare për Çlirimin e Kosovës.
Nga autoritet shtetërore gjermane është lajmëruar në 17 janar 1982 se persona të panjohur kanë vrarë tre kosovarë dhe se ky ishte kulminacion i ri në luftën e fshehtë, në të cilën agjentët e sigurimit jugosllav dhe kundërshtarët e pushtetit kanë luftuar mes tyre. Pas kroatëve në mërgim si duket qeveria e Beogradit u ka shpallur luftën të përgjakshme shqiptarëve në mërgim që vinin nga Republika e Kosovës. Në media është bërë e ditur se atentati ka ndodhur ndërkohë që drejtuesi i automjetit (BMË 316, targa: HN CY 353) ishte duke nxjerrë veturën nga garazhi, teksa po e drejtonte për të vijuar rrugën drejt në kryqëzim. Në kohën kur ka ndodhur atentatit moti ka qenë i acartë dhe me borë, ndërsa theksohet se në 40 metrat e para vetura ka ndaluar sepse një person nga një distancë prej tre metrave ka shtënë me armë zjarri, në drejtim të makinës. Krahas kësaj, një tjetër person ka gjuajtur dhe i është afruar makinës për të vërtetuar nëse atentati ishte kryer.
Ngjarja është ndjerë fillimisht nga banorët e zonës të cilët të frikësuar kanë dalë në oborrët e tyre për te parë se çfarë kishte ndodhur.
Mësohet se pasi atentati ishte kryer, dy burra janë larguar më shpejtësi nga vendi i krimit, teksa automjeti i cili mbante brenda 3 të ekzekutuarit, ishte ende i ndezur dhe kishte ecuar për inerci deri sa ishte përplasur dhe motorri i ishte fikur.
Është raportuar se të vdekur janë gjendur Bardhosh Gërvallën, 31-vjeç, i goditur nga gjashtë plumba, Kadri Zekën i vrarë nga dy goditje me plumba në trup dhe Jusuf Gërvallën, 36-vjeç, gjithashtu i plagosur rëndë nga dy goditje me plumba, teksa ka humbur jetën më vonë.
Në vendin e ngjarjes Jusuf Gërvalla, i cili më vonë vdes, i kishte pëshpëritur policisë : “Ka qenë UDB-ja”- shërbimi sekrete jugosllave (Sluzba Drzavne Bezbednosti).
Dymbëdhjetë herë ishte gjuajtur mbi të tre burrat nga pistoletat e kalibri 7,65, dhjetë goditje kishin prekur zemrën, mushkëritë dhe qafën. Një polic në vendin e ngjarjes ka thënë: “E tëra dukej si skenë e një ekzekutimi”.
Sipas snajperistit dhe instruktorit të policisë Stuttgart-i, Siegfried Hübner, mënyra e ekzekutimit të 3 kosovarëve ishite metodë e cila përdoret nga shërbimet sekrete shtetërore.
Ai shpjegon se një metodë e tillë, kërkonte që fillimisht të qëllohet me 3 plumba për ta bërë shënjestrën të pafuqishme për tu kundërvenë, më pas plumbi i fundit, ai i katërti është vendimtari që edhe i merr jetën personit.
“Tre për ta mbërthyer viktimën nëse shënjestra qëndron ende, pra për ta rrëzuar dhe për ta bërë të paaftë për kundërvënie, dhe pastaj rigjuajtja e katërt e domosdoshme dhe vdekjeprurëse”,- ka thënë Siegfried Hübner.
“Der Spiegel”, një nga mediat më prestigjioze gjermanen në 25 janar të vitit 1982 i ka kushtuar një artikull ekzekutimit të 3 kosovarëve teksa sipas saj ngjarja është sqaruar sapo është marrë vesh kombësia e viktimave.
“Persona në mërgim që i takonin kombësisë shqiptare nga provinca e Kosovës në jug të shtetit ballkanik, dhe që të tre veprimtarë kundër qeverisjes së Beogradit”,- shkruan “Der Spiegel”.
Sheti gjerman asnjëherë nuk u prononcua, se kush e vrau dhe se si agjenturat jugosllave vepronin në Gjermani aq hapur.
Kujtojmë që Kadri Zeka, i lindur më 25 prill të vitit 1953 me origjinë nga Malësia e Dardanës (Kamenicë) dhe i diplomuar për gazetari sëbashku me vëllezërit Gërvalla ishin shokë ideali. Kjo shpjegon edhe vdekjen e tyre të përbashkët, nga e njëjta dore dhe për të njëjtën arsye. Edhe vëllezërit Gërvella ndiqnin po të njëjtën politike dhe kishin po të njëjtin formim intelektual si Zeka, teksa kanë disa vepra letrare.
Ata për rreth një vit do të vepronin së bashku. Kundrejtë gjithë intrigave të UDB-së miqtë e idealit nuk do të përçaheshin, por do të punonin për fuqizimin e Lëvizjes për Pavarësi përmes veprimeve të përditshme, të një organizate të vetme në shkallë kombëtare; të strukturuar dhe të përgatitur për t’u përballë me kërkesat dhe sfidat e kohës.
Në nder të Kadri Zekës është përuruar në Poliçkë në vitin 2007-të Muzeu Kadri Zeka, gjithashtu për nder të tij, Universiteti”’Kadri Zeka” i Gjilanit, ka marrë emrin e tij./Opinion.al
