Policia e Durrësit prangosi një 22 vjeçar nga Kruaj si të dyshuarin kryesor për vrasjen e biznesmenit Leonard Muarataj në nëntor të vitit 2014.
Burime nga policia thanë se Bedri Haka u arrestua në Nikël të Krujës pas një ndjekje me makina nga uniformat blu.
Mësohet se ai ka qenë në automjet së bashku me dy persona të tjerë në momentin që policia e ka ndaluar.
Policia i bëri shenjë të ndalonte për kontroll, por 22-vjeçari nuk iu bind efektivëve duke mos i ndaluar postbllokut.
Menjëherë në ndjekje të tij u vendosën shërbimet e përforcuara të policisë, duke ndjekur për më shumë se 1 km të riun. Ai ndaloi automjetin dhe u prangos nga uniformat blu.
Të gjithë u shoqëruan në komisariat, ndërsa pas verifikimit, dy personat që ishin në makinë me Bedri Hakën u lanë të lirë. 22-vjeçari mendohet se është vrasës me pagesë, ndërsa hetimet vazhdojnë për të zbuluar porositësin.
Gjykata ka vendosur masën e sigurisë arrest me burg në mungesë për Bedri Hakën, i dyshuar për vrasjen e biznesmenit Leonard Murataj.
