Për të patur sy të shëndetshëm është i nevojshëm një kujdes i veçantë. Sipas faqes së njohur “Healthy-Magazine” janë disa këshilla që duhet t’i ndjekim në përditshmërinë tonë për të patur sy të shëndetshëm.
1-Përdorni syzet e diellit
Ekspozimi ndaj rrezeve ultraviolet është i rrezikshëm për sytë, për këtë arsye syzet e diellit duhen përdorur rregullisht.
2-Kryeni kontrolle të shpeshta për sytë
Vizitat e shpeshta tek okulisti janë të nevojshme për të parë gjendjen e syve. Në këtë mënyrë mund të parandalohen shumë probleme.
3-Të ushqyerit shëndetshëm
Të ushqyerit në mënyrë të shëndetshme ndikon edhe për sytë. Ato kanë nevojë për një dietë të pasur me anti-oksidantë për këtë arsye është i nevojshëm konsumimi i shumë frutave.
4-Mos injoroni thatësinë e syve
Në shumë raste njerëzit ankohen se i ndjejnë sytë e thatë. Diçka e tillë nuk duhet lënë pas dore dhe rekomandohet të përdorni pikat e duhura për sytë.
5-Çfarë ndihmon zemrën tuaj ndihmon edhe sytë
Përpiquni të evitoni pirjen e duhanit dhe gjithashtu duhet të kryeni aktivitete fizike në mënyrë të rregullt./Opinion.al/
