Presidenti i Turqisë, Rexhep Tayyip Erdogan ka deklaruar se rregullat që do të vendosen në zbatim ditët në vazhdim, janë përcaktuar në referendumin e zhvilluar ditën e dielë.
Erdogan ka hedhur poshtë akuzat se me reformën e re, ai ka qëllime kundra përmirësimit të sistemit politik të Turqisë.
Presidenti turk ka mohuar akuzat se referendumi është personal dhe me përmbajtje diktatoriale.
“Unë jam njeri i vdekshëm, mund të vdes në ҫdo kohë”, është shprehur Erdogani gjatë të folurës nga pallati presidencial në Ankara.
“Sistemi përfaqëson një ndryshim, një transformim në historinë demokratike të Turqisë”, ka shtuar ai.
“Aty ku ekzistojnë diktaturat, nuk nevojitet një sistem presidencial”, ka vazhduar argumentimin Erdogani.
“Ne kemi kuti votimi këtu…demokracia fuqizohet nga populli. Quhet vullnet i popullit”, përfundon ai./opinion.al
