Këngëtari i njohur Shawn Mendes dhe artistja me origjinë shqiptare Bebe Rexha janë miq shumë të mirë. Megjithatë në intervistën e fundit për “Spotify”, Bebe është shprehur se ka bërë një pakujdesi ndaj tij.
Rexha është shprehur se në kohën e ndarjes se çmimeve ‘Grammy’ ka organizuar një festë në shtëpinë e saj, ku kishte ftuar edhe këngëtarin, por më pas ajo nuk i kishte shkruar se ku ishte adresa.
“E keni parasysh, disa nga miqtë e tu nuk janë të mirë me mesazhet. Dhe mua më ndodh ndonjëherë kjo, ndonjëherë personat që më shkruajnë nuk marrin përgjigje për 2 ditë. As Shawn nuk është i mirë në punën e mesazheve”, -është shprehur këngëtarja.
Ndonëse ka ndodhur kjo situatë mes tyre, duket se ata vijojnë të gëzojnë një miqësi mjaft të mirë me njëri-tjetrin./Opinion.al/
