Nga Blendi Fevziu –
Terrorizmi ka goditur fort per te dyten here brenda vitit ne France. Pertej shokut qe shkaktoi goditja ne Revisten Charlie Hebdo ne Janar, goditja e djeshme ka qene dramatike. 127 viktima tha Presidenti Holland pak minuta me pare dhe vuri gishtin mbi Shtetin Islamik, ISIS si shkaktar i saj. Ky eshte atentati me i rende ne Europe pas atij te Marsit 2004 ne Madrid ku ne disa shperthime ne metro humben jeten disa qindra vete.
Por pertej bilancit dhe traumes ajo qe ka ndodhur me Francen shtron edhe nje pyetje te madhe?! A mund te vijoje Europa edhe me tej e tille? A mund ta perballoje kercenimin islamik ne kufijte e vet apo brenda saj? Per ironi te fatit, Franca ka qene vendi me mikprites ndaj popullsise myslamane qe ka ardhur ne afrika e veriut apo Lindja e Mesme. Ajo ka qene mikpritesja me e madhe dhe vendi qe ka zbatuar politikat me liberale ndaj tyre. Por Franca ka pesuar edhe goditjen me te madhe nga ky terrorizem. Nje terrorizem qe po tenton te godase stilin e jeteses dhe vlerat e verteta te shoqerive demokratike.
Po si do reagoje Europa pas kesaj? A do reagoje ajo duke i ruajtur vlerat dhe stilin e saj te jeteses? A do ti ruaje serish kufijte e hapur te Shengenit, apo do rivendose sistemin e sigurise te cdo vendi per t’u mbrojtur cdo vend per llogari te vet?!
A do reagoje Europa ne ate qe quhet terrorizmi brenda saj, apo do godase ate ne burim, atje prej nga niset, ne Siri dhe Shtetin Islamik! A duhet te reagoje Europa sot si SHBA ne 2001 pas kullave binjake? Asnje nuk di ta thote, por nje gje eshte e sigurte. Qe nga mesnata e djeshme, Europa nuk eshte ajo qe ishte nje dite me pare. Siguria e vendosur pas luftes se ftohte eshte thyer dhe nje armik i ri serioz eshte shfaqur ne kufijte, por edhe zemren e saj. Dhe Europa duhet te reagoje!
Blendi Fevziu
