Është bërë me dije se oferta finale e dy ambasadorëvë për reformën në drejtësi është pranuar nga të gjitha palët.
Shumica ka pranuar propozimin e PD-së për miratimin me konsensus të anëtarëve të KLGJ-së dhe KLP-së.
Kjo formulë, konsiston në faktin se nga 11 anëtarë të KLGJ-së, 6 prej tyre i zgjedh trupa e gjykatësve, ndërsa pjesa e mbetur nga Kuvendi.
Theksohet, se komisioni që i zgjedh duhet të miratojë një listë në bllok që duhet të marrë katër nga pesë vota.
Në rast se bllokohen ata zgjidhen me short.
Pas shumë orësh negociatash, politika shqiptare ka gjetur gjuhën e përbashkët për të arrirë në një marrëveshje mes tyre.
Tashmë pritet të mblidhet Komisioni Parlamentar i Reformës.
Pas komisionit Ad Hoc drafti do kalojë në seancë.
Më herët, PS dhe LSI kanë pranuar propozimin e ri të marrëveshjes së ambasadorëve.
Në lidhje me gjetjen e konsensusit mes palëve, kryeministri Rama ka shprehur entuziasëm në profilin personal në Twitter.
Ndërsa kreu i Kuvendit, Ilir Meta ka përshendetur marrëveshjen e arritur për reformën në drejtësi.
Meta ka falenderuar kryeministrin Rama, kryetarin e PD Basha dhe ambasadoret Lu dhe Vlahutin.
Ai ka bërë me dije se marrëveshja është shenjë pjekurie dhe bashkimi.
“Të formalizojmë procesin me voten unanime në Kuvend”. ka thënë Meta.
