Real Madrid kërkon me ngulm talentin e Monacos, Kylian Mbappe.
Sipas “Radio Monte Karlo” kampionët e Europës janë të gatshëm të ofrojnë 135 milionë euro për sulmuesin 18-vjeçar.
Kylian Mbappe është një nga zbulimet e këtij sezoni. Ai po tërheq vëmendjen e klubeve të njohur në Europë si Manchester City, Chelsea, Arsenal, por drejtuesit e Real Madrid duken më të vendosur.
Më parë klubi madrilen ishte i gatshëm të shpenzonte 100 milionë euro. Pritet të shikohet nëse klubi francez do të jetë gati të largojnë Mbappe, për të cilin janë refuzuar disa oferta.
Falë edhe ndihmës së Mbappe, Monaco fitoi titullin kampion në Francë pas 17 viteve dhe shkoi deri në gjysmëfinalet e Champions League.
