Shukrizimi i shoqërisë shqiptare

Duke dalë nga shtëpia sot në mëngjes, takoj një mikun tim të cilin e pyeta përse paska zbritur në qytet kaq herët.

Vajza, më tha , ka një provim sot dhe vec kësaj më duhet të kaloja nga zyra e legalizimt , pastaj të shkoj në gjykatë dhe meqë jam të bëja ca analiza.

Mori frymë thellë dhe nisi t’më qahej.

Provimin e goces e bëj, tha, se I paguaj ca lekë atij shukriut që e bën provimin. Edhe te legalizimet e mbaroj , se I jap ca lekë atij burrit shukri atje. Analizat do ti bëj , sepse jap lekët dhe ata për këtë punë janë, por c’ti bëj atyre në gjykatë, atje s’di a do gjej ndonjë shukri.
Lëre lëre, ja bëri, rrugës kur po vija , më kapi një shukri nga këta të qarkullimit. Nuk më ndizej njëra llampë e makinës dhe deshi t’më vinte gjobë. I dhashë një 5 mijë lekshe shukriut me kapele dhe shpëtova nga gjoba.
Ore cpo bëhet kështu , na mbytën shukrinjtë! Ofshani dhe duke më përshëndetur …iku.

Mbeta një copë herë ashtu pa lëvizur dhe u ula te kafja ngjitur me shtëpinë time.  Më bëri shumë përshtypje mënyra dhe artikulim që I bëri miku im fenomenit “shukri”.

Fjala shukri vjen nga gjuha perse dhe do te thote sheqer. Kur sheqeri merret me tepri, ai shëndrrohet në zeherr.
Shukrizimi, apo zeherrizimi I shoqërisë shqiptare nuk filloi me brekët e grisura, apo të dhjera të shukriut kryetar bashkie.  Ai  është shumë më I vjetër se sa vetë shukriu brekgrisur.  Shukriu kryetar është shukri bir shukriu, ashtu sic themi qen bir qeni. Sa shukrinj kemi pasur kryetar kooperative, sekretarë partie, brigadier, operativë sigurimi, shukri spiuna, shukrije shefe , apo edhe ministre.  Aq shumë shukrinj kemi pasur saqë ne duhej ta quanim veten tonë , apo shoqërinë tonë, shoqëria e shukrinjve.

Po mbas rënies së diktaturës , c’u bë me shukrinjtë dhe shukrizimin e shoqërisë?

Shukrinjtë u futën nëpër partitë politike dhe u bënë kryetarë, deputetë, drejtora, shefa të mëdhenj dhe dalngadalë duhej që kjo sëmundje të tkurrej e të mos përhapej e të kthehej në epidemi.

Kohët e fundit , por edhe para disa vitesh, kur martesa e shpifur e PD me LSI u bë fakt, ky fenomen sikur u ringjall, filloi të zinte vend nëpr zyrat e shtetit me një shpejtësi të frikshme.

Gara mes shukrinjve të PD(që me thënë të drejtën as që krahasoheshin me ata të Lsi) dhe shukrinjve  të LSI u bë histerike.  Shukrinjtë e Lsi të mbaronin punë gjithmonë, ndërkohë që ata të Pd filluan të ndjeheshin inferior e pasojat u treguan qartë në zgjedhjet e vitit 2013, ku martesa e zeherrxhinjve hëngri dajak sa u kënaq.
Ç’ndodhi me shukrizimin/zeherrizimin pas zgjedhjeve të vitit 2013?

Bashkë me “rilindjen” u rilind edhe shukrizimi/ zeherrizimi, biles ai ka marrë një zhvillim të paparë, aq sa do ishte e pamundur të gjeje një zyrë, një cep të këtij vendi pa shukrinj dhe shukrie.

Mqs  rilindasit nuk donin ta privatizonin këtë fenomen vetëm për burrat , I bënë këshillat bashkiakë gjys për gjysëm mes femrave dhe meshkujve këshilltarë dhe po duan ta bëjnë këtë edhe në parlament.  Kështu që në të ardhmen do kemi sa shukrinj, aq dhe shukrie, sinë këshillat bashkiakë , ashtu dhe në parlament.

Ç’është shukriu? Mos vallë ai është vetëm kryetar bashkie, apo ai është edhe deputet, edhe polic, edhe drogaxhi, edhe blerës votash, edhe taksaxhi, edhe ministër, edhe biznesmen ?

Po koncensionarizimi, është vallë shukrizim/zeherrizim?  Ikja e të kërkuarit nga vendi për trafik droge, është shukrizim?  Po futja e kriminelave në parlament , është shukrizim/zeherrizim?

Fushata e rilindjes me premtime që sot duken që janë genjeshtra, është shukrizim?

Zgjedhjet në PS, referendum qesharak I saj, është shukrizim?

Po nga ky lloj shukri/zeherr, a nuk poi kin shqiptarët nga vendi të llahtarisur nga kjo epidemi?

Arrestimi i fukarenjve për një cati, apo për një mur, a nuk është shukrizim i shpifur?

Vdekja e dy foshnjave të pafajshme nga mungesa e mbrojtseve anash rrugës , a nuk është si pasojë e shukrizimit të zyrave të shtetit?

Po sherri  i  Erit me  Presidentin  e Republikës , a nuk është një shukrizim I turpshëm?

Përpëlitjet dhe ecejaket e ambasadorëve për reformën në drejtësi, a nuk është shukrizim?

Dekriminilazimi vetë, a nuk është antibiotiku I shukrizimit?

Gjtihë nata nuk do më dilte të bëja pyetje të tilla, por ajo që duket dhe ja bën “muuuu”, është se shukrizimi nuk është vetëm. Ai ka pranë edhe shpartallimin e dorzimin e gjithë shoqërisë shqiptare, duke e bërë një sëmundje kampione, pasojat e së cilës I ndjejmë përditë, ose duke pritur, pasi asgjë sic duket nuk kemi parë akoma.

“Lavdi shukrizimit”