Kryeministri Edi Rama edhe këtë të enjten ka folur me lëvdata për punën e qeverisë së tij, pas publikimit të progres raportit.
Nga Kuvendi, Rama tha se objektivi fundor lidhet me qëllimin e madh, me anëtarësimin në BE. Sipas tij ky raport hedh poshtë çdo pretendim të opozitës për dështim të reformës në drejtësi apo
“Dua të theksoj se raporti i Komisionit, që është raporti më i besueshëm ndërkombëtarë, raport me çdo detaj të problematikave të një vendi në rrugën e anëtarësimit në BE. Hedh poshtë çdo pretendim dhe çdo përpjekje për ta treguar reformën në drejtësi si dështim, luftën kundër krimit të organizuar jo vetëm si dështim por dhe proces tërësisht të deformuar në funksion të qeverisë së krimit. Raporti në çdo aspekt i jep komunitetit ndërkombëtar një pasqyrë të saktë, jemi të vetëdijshëm për problemet por dhe krenar për arritjet. Atyre që i bien fyellit për të bërë të njëjtën muzikë, duke përsëritur të njëjtat broçkulla të krijojnë një perceptim ndryshe, sot mund t’ju thuash me plotë gojë Shqipëria mund të shof çfarë ka bërë dhe çfarë duhet të bëjë”.
Rama megjithëse shprehet gati për dialog me opozitën duket se ky dialog nuk do të vijë kurrë. Kryeministri tha se Kushtetuta nuk shkelet dhe se legjitimiteti i qeverisë nuk cenohet.
“Mbetemi të vendosur që të stimulojmë një proces dialogu me opozitën, por pa diskutim nuk kemi asnjë gatishmëri për të negociuar kushtetuan si ligj themelor që na imponon të gjithëve ta respektojmë në funksion të zgjedhjeve, që i përkasin popullit sovran dhe jo partive. Asnjëherë nuk negociojmë legjitimitetin për vazhdimësinë e këtij parlamenti, një detyrim që buron nga një mandat i qartë”.
“Ne do vazhdojmë të bëjmë detyrën tonë, detyrën tonë në raport me procesin demokratik në Shqipëri dhe zgjedhjet e 30 qershorit. Zgjedhjet e 30 qershorit nuk negociohen! Data e 30 qershorit buron nga Kushtetuta si përcaktim me dekret nga Presidenti bazuar në Kushtetutë”, vazhdoi më tej Rama, ndërsa nga vendi ndërhyri Kujtim Gjuzi.
Edi Rama: Për ata që nuk e kanë zërin e sallës kam nderin të ndërpritem nga lart madhëria e tij Kujtim Gjuzi i parë.
Kujtim Gjuzi flet sërish nga vendi…
Kryetari i Kuvendit, Gramoz Ruçi: Zoti deputet mos ndërhyni nga vendi!
Edi Rama: Megjithatë progres i madh është bërë se nga Flamuri pa shkop (Flamur Noka) pa shkojmë tek Gjuzi i parë, janë ndërprerje të ndërveprimit njerëzor këto./ Opinion.al
