Ndeshja e programuar sonte në Champions League mes Manchester City dhe Borussia M’Gladbach është anuluar për shkak të një stuhie shiu të rrëmbyeshëm, që e ka nxjerrë të pa praktikueshme fushën e stadiumit “Etihad”.
Trajneri i Manchester City, Pep Guardiola, kishte vendosur të luante me këtë formacion: Bravo, Zabaleta, Otamendi, Stones, Kolarov, Fernandinho, De Bruyne, Silva, Sterling, Navas, Aguero. Megjithatë lojtarët e “qytetarëve” nuk mundën të dalin as një nxehje.
Gjyqtari i ndeshjes, holandezi Björn Kuipers, pasi kontrolloi dy herë fushën vendosi që të mos e fillonte ndeshjen e programuar në orën 20:45. Pritet një vendim i UEFA-s se kur do të luhet kjo sfidë e vlefshme për Grupin C, ku bëjnë pjesë edhe Barcelona dhe Celtic.
