Është shtyrë sërish seanca paraprake për ish-ministrin e Shëndetësisë, Ilir Beqaj, i cili akuzohet për abuzim me fondet e BE-së gjatë kohës së mbante postin e drejtorit të Agjencisë Shtetërore e Programimit Strategjik dhe Koordinimit të Ndihmës (SASPAC).
Në seancën e kësaj të mërkure, mbrojtja e Beqajt kërkoi materialet hetimore nga ana e Prokurorisë së Posaçme, ndërsa nuk u paraqit njëri prej avokatëve të personave që janë nën hetim për këtë çështje, çka çoi në shtyrjen e seancës.
Në 4 korrik të këtij viti, Ilir Beqaj u vendos në pranga me urdhër të prokurores Elida Kaçkini, e cila kreu hetimet për abuzimin me fondet e Saspac.
Për këtë çështje, janë lënë në masën e sigurisë “arrest në burg” Ilir Beqaj, Ermal Kurtualj dhe Alfred Nikollaj.
Gazmend Haxhia dhe Elton Martini u lanë në masën “arrest në shtëpi”, ndërsa Bledar Leka dhe Bjona Ziaj kanë masën “detyrim paraqitje”.
