Grupit kriminal “Bajri” i janë zgjatur me dy muaj afatet e paraburgimit.
Sipas gazetares Klodiana Lala, Gjykata e Shkallës së Parë për Krime të Rënda Tiranë ka pranuar sot kërkesën e Prokurorisë së Krimeve të Rënda dhe pjesërisht kërkesën e mbrojtësit avokatit Arbër Hoxha, për të zgjatur me dy muaj afatet e paraburgimit për grupin “Bajri”
Katër personat që po hetohen janë Safet Bajri, Ilir Bajri, Ismet Idrizi dhe Asmer Bilali. Në këto kushte pritet që prokuroria të dorëzojë brenda datës 20 nëntor dosjen e për gjykim në Gjykatën e Krimeve të Rënda.
Ndërkohë ditën e djeshme Gjykata e Apelit në Shkodër që ka prishur vendimin e dhënë më datë 17 qershor për ekstradimin e Ilir Bajrit drejt Italisë. “Apeli” arsyetoi se “vendimi i Gjykates së Shkallës së Parë është i pazbatueshëm në praktikë, i marrë në kundërshtim me ligjin procedurial penal, provat e administruara dhe si i tillë duhet të prishet dhe çështja të kthehet për rigjykim në atë gjykatë, me trup tjetër gjykues.” /Opinion.al
