Bota

Shtohen rastet me Covid-19 në Itali, shifra rekord që nga fillimi i Majit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:19 - 27/08/20 |
Al Do

Rastet e reja me Covid-19 vazhdojnë të rriten me shpejtësi në Itali, pasi 1,411 kanë testuar pozitive në 24 orët e fundit. Kjo është shifra më e lartë ditore e vendit që nga 6 maj.

Pesë njerëz të tjerë kanë vdekur nga koronavirusi në 24 orët e fundit, duke e çuar totalin në 35.463. Numri i përgjithshëm i rasteve të infektuara në Itali është 263.949.

Një rast në veçanti është duke ngritur shqetësime tek autoritetet italiane të shëndetit pasi ata po përpiqen të gjurmojnë vizitorët në klubin e natës të ish-shefit të ekipit të Formula 1, Flavio Briatore, pasi më shumë se 60 raste të konfirmuara me Covid ishin të lidhura me të.

Miliarderi, në “Costa Smeralda” të Sardenjës, ka pritur mijëra të ftuar në gusht, përfshirë qindra VIP-a italianë dhe ndërkombëtarë. Të martën, Briatore u konfirmua se kishte testuar pozitiv për Covid-19 pasi u pranua në spital në Milano, sipas një deklarate nga stafi i tij.

Zyrtarët tani po përballen me sfidën për të kontaktuar të gjithë ata që kanë qenë në klub javët e fundit, sugjerojnë raportet e mediave italiane. Miliarderi mirëpriti midis 8,000 dhe 11,000 të ftuar në javët e para të gushtit dhe autoritetet kanë frikë se shumë të regjistruar janë me emra dhe numra telefoni false. /Opinion.al

Pas