Carlo Ancelotti është duke promovuar librin e tij autobiografik “Quiet Leadership” – i përkthyer në shqip “Udhëheqje me qetësi”.
Teksa gruaja e tij është në kërkim të një shtëpie të re në Munich, ai ndodhet në Londër. Se si do të jetë i suksesshëm në Gjermani ai e tregon në një tjetër biografi të quajtur “Carlo Ancelotti: Biografia”.
Në këtë libër ai tregon shtatë rregullat e suksesit, të cilat i ka shkruar vetë:
1. Ekipi duhet të mësohet të luajë futboll sulmues
Ancelotti e dashuron futbollin sulmues, dhe ai ka treguar se mund ta përshtati stilin e tij sipas ekipit që drejton. Në Madrid ai mori drejtimin e ekipit të lënë nga Mourinho. Italiani mori stilin mbrojtës të portugezit duke i përshtatur një stil sulmues rreth Ronaldos. Edhe gjatë bisedimeve me bordin drejtues bavarez ai është shprehur se do ta mbajë stilin e Guardiolas duke i shtuar ngjyrat e tij, siç ka bërë te Real Madrid
2. Të punohet për një atmosferë të mirë pune
Në fillim, Carlo Ancelotti do të kujdeset për veten e tij për t’u ndjerë mirë në Munich. Italiani do të marrë me vete, si gjitmonë, djalin e tij si fizioterapist dhe dhëndrin e tij Mino si këshilltar ushqimi. Ekipit ai i jep kohë të bollshme pushimi. Toni Kroos është shprehur se në kohën e Ancelottit kujdesi ndaj ushqimit ishte shumë i madh, por nuk ishte problem nëse haje një hamburger.
3. Të kujdeset për shëndetin e ekipit
Dëmtimet e lojtarëve ishin një temë shumë e nxehtë nën drejtimin e Guardiolas, gjithmonë kishte sherre mbi mjekët. Nën drejtimin e Ancelottit gjërat do të ndyshojnë. Që kur ishte në Madrid, trajneri nuk kishte probleme t’i dërgonte te specialistët më të mirë lojtarët e dëmtuar. Si në rastin e Toni Kroos, i cili udhëtoi në Munich për t’u kuruar nga doktori i Bayern Dr. MullerWohlfart.
4. T’i jepen përgjegjësi secilit nga lojtarëve
Trajneri ka një kulturë të bazuar te besimi. Kjo tregohet edhe nga shumë lojtarë si Terry dhe Cole te Chelsea. Cristiano Ronaldo shkroi në librin e tij se “ai gjatë gjithë kohës ishte aq i sjellshëm, dhe kurrë nuk nxehej më shumë se pesë minuta”. Ai nuk ka për të ndërhyrë te hierarkia e Lahm, Muller dhe Neuer, por do t’i përdorë aftësitë udhëheqëse të lojtarëve më të vjetër për të mirën e ekipit.
5. Të mbrojë një ekip tradite Gjatë një interviste italiani ka theksuar se që në seancën e tij të parë stërvitore te AC Reggiana (19951996) ka mësuar një gjë: Mos u ngatërro me bosët e ekipit! Këtë e ka marrë parasysh kur vinte puna te politikat e transferimeve, duke mos insistuar me kërkesa të jashtëzakonshme, ashtu siç e bëri Guardiola (Ose marrim Thiagon, ose asnjë).
6. Të vendosë një “mentalitet për të fituar gjithçka” Trajneri paraardhës Guardiola vuajti jo pak pritshmëritë e FC Bayern. Titujt më voni i quajti thjesht një numër, duke nënvizuar ecurinë dhe progresin e ekipit. Por Ancelotti mendon ndryshe. Italiani e pranon faktin që priten tituj nga ai. Si te Real, PSG, Chelsea, Milan apo Juventus – kudo që ka shkuar, ai ka fituar.
7. Të gjithë të jenë të qartë mbi identitetin e klubit Pas largimit të Guardiolas, te Bayern mezi po rpesin të rikthejnë traditën e mbrëmjeve me verë të kuqe, si në kohët e Jupp Heynckes dhe Louis van Gaal midis trajnerëve dhe bosëve. Në këto takime Ancelotti kërkon të dëgjojë sa më shumë këshillat e Rummenigge dhe hoeness. “Te Bayern ka një dije rreth lojës, e cila është unike në botë”, shprehet ai në autobiografinë e tij. “Të gjithë njerëzit aty kanë bërë gjëra të mëdha – si lojtarë, trajnerë dhe menaxherë.”
