Një shqiptar ka vrarë ish-bashkëshorten e tij në Markdorf të Gjermanisë. Mësohet se shqiptari ka shkuar në vendin ku punonte ish-gruaja dhe e ka qëlluar me armë për vdekje.
Sipas informacioneve, 47-vjeçari shqiptar ndodhet në paraburgim. Kjo është bërë e ditur nga prokuroria publike në Konstanz dhe selia e policisë në Ravensburg në një deklaratë të përbashkët. Ai u soll para gjyqtarit të dielën, i cili urdhëroi mbajtjen e tij në paraburgim.
Gjithashtu thuhet se është ngritur një grup hetimor për zbardhjen e krimit. Policia dyshon se dëshmitarët e kanë parë krimin, por janë larguar nga vendi i ngjarjes para se të mbërrinte policia dhe bën apel se kushdo që ka parë diçka duhet të denoncojë.
Sipas raporteve, burri mësohet se ka qenë në gjendje të dehur kur ka qëlluar 44-vjeçaren. Nga sulmi nuk ka persona të tjerë të lënduar dhe motivi i krimit është ende i paqartë.
