Një grua shqiptare 34-vjeçe është vrarë brutalisht nga bashkëshorti i saj shqiptar në Zvicër, raporton gazeta “Blick”.
Ngjarja ka ndodhur të hënën e 26 gushtit, por në media është publikuar gjatë ditës së sotme. 37-vjeçarja Luiza prej kohësh vuante dhunën sistematike nga bashkëshorti i saj 37-vjeçari Ilir B. Prej vitesh ajo ka qenë pre e dhunës dhe kërcënimeve të tij për jetën e saj dhe të prindërve, nëse vendoste t’a braktiste.
Por prej një viti 34-vjeçarja Luiza kishte gjetur kurajon dhe ishte transferuar në një apartament tjetër së bashku me 4 fëmijët e saj në qytetin Dietikon. Edhe në banesën e re ajo kërcënohej me jetë sistematikisht nga bashkëshorti i saj.
Sipas mediave të gjithë ishin në dijeni që shqiptari ishte një person i dhunshëm, ndërkohë që për të thuhej se ishte një grua familjare dhe shumë e mirë.
Fatkeqësisht liria për të nuk zgjati shumë, pasi ajo u ekzekutua nga bashkëshorti në apartamentin e saj. U gjet nga policia e mbuluar në gjak për shkak të goditjeve të shumta me thikë, ndërkohë që thuhet se shqiptari përpara se të kryente vrasjen kishte mbyllur në dhomë djalin e tyre 4-vjeçar që ndodhej në shtëpi në ato momente.
Nuk është hera e parë që në Zvicër ndodhin akte të tilla brutale, ku shqiptarët ushtrojnë dhunë dhe ekzekutojnë bashkëshortet e tyre, shkruan gazeta Blick./Opinion.al/
