Agim Meçaj, 52 – vjeç, nga Vlora është kapur nga Policia e Leçes me 120 kg kanabis sativa. Policia e ka pikasur shtetasin shqiptar me një furgon të dyshimtë dhe pas ndalimit ka gjetur të fshehur në brendësi të tij, rreth 120 kg marijuanë të mbështjella me natriban.
Sipas policisë italiane, familja Meçaj ishte vendosur prej vitesh në provincën e Salentos, ku shiste në rrugë fruta – perime. Fillimisht është pikasur me një ngarkesë droge djali i Agimit, Skerdian Meçaj, 28 – vjeç, i cili u arrestua me 3 kg kanabis me datë 23 shkurt.
Disa javë më vonë, policia pikasi një Furgon Citroen Berlingo të dyshimtë, që transportonte zarzavate dhe njëri nga efektivët e “Skuadra Mobile”, njohu Agim Meçaj, babain e 28 – vjeçarit dhe kërkoj që furgoni të ndalohej.
Pas kontrollit të imtësishëm u konstatuan në brendësi të furgonit me 2200 kg zarzavate edhe 120 kg kanabis. Lënda narkotike ishte e fshehur mes zarzavateve me 5 pako të mëdha me natriban, ku brenda kishin 52 pako të tjera të vogla.
Droga sipas policisë kap vlerën e 270 mijë euro.
